الى ثوار الجبل
انت ياجبلنا الروح فداك **ننسى العالم ماننساك
فداك الروح********* فداك قلبي بغلاك ابوح
يانسايم زعتر اللي فوح **اليوم غطى الدخان فضاك
ينزف الخاطر مجروح** ولامن عاش اللي بكاك
لامن عاش ******دمرنا هدم ماواش
رجم اقصف شجر حياش **وكل مايمشي فوق ؤطاك
سمم حتى ماك اعلاش ؟***روعنا ؤزود لغشاش
فواجع لاعتنا في الجاش **على ناسك نزحوا مهناش
مدافع وقنابل رشاش **والنبالم مالي صداك
جراد ؤعنقودية لواش **ياطاغي الله يهد طغاك
تحزم بكتايب ******ذعر نسون واطفال عجايب
نفدَ كل الشر الخايب ***غصب وقتل دمار هلاك
يانا يلي قليبي دايب **فجعة عجزت انقاوم باش
وخرص الوجه عليَا غايب **هاجر من قسوة لوباش
كان الدمع احدر سايب **لطفك ياربي ورضاك
صحيح الدنيااتجيب عجايب **واغرب من فعله ماهناش
ولاسجل التاريخ مصايب **زي مصيبتنا ماهناش
مايهمه زعل *********يحكمنا والا يقتل
طاح في تريس دكير عتل **عضلاته صوان وطاك
من جنس احرار ميصل **هي هات افرط في في ثراك
لاسمعنا من كل َوذل **لبى ندى ربه ونداك
عليه نرشق عرجون الفل **الرحمة على من مات فداك
ان شاء الله حكمه يتهدم **ويزوي بعيد عنك يخطاك
عضلة من الكاف *******لايدنقر لا يهاب اخاف
صقورا فوق القمة خفاف **يا مهلوس زاهدين في عطاك
جنس ضامرعايش عل كفاف **لا يلقق لاهو سفساف
صامدعلى جامد جفاف ***نزيهه طبعه عياف بلاك
عياف بلاويك ****يابوا الصرب اترقص فيك
والصهيوني ازيف ليك **والمرتزقة وما يدراك...الخ
واللقاقة تجري بيك **ازلام شريرة من يلاك
على وسخ الدنيا عاميك **شن بتوري في آخراك ؟
خربت العالم يعطيك ** نار تحرق جوفك واعضاك
ان شا الله توة تقصر بيك**وكرسي الخيبة شيله معاك
خنق اجلاويك *****لايطلع لاحد اجيك
ستين ليلة حصار عليك **يفرن والقلعة يالاك
يقصف من حقده ناويك **صواريخه هدفه ومرماك
يقصف من حقده ناويك **صواريخه هدفه ومرماك
قواته تبي تمحيك **لا من عاش اللي يمحاك
سجل تاريخ اللوبي فيك **قرون الله ؤمايغباك
منصور بعزَغلاويك **حتى شوية اسود اضناك
ؤماعنداش جميل عليك **لا خدمك لا شيء عطاك
الهجرة سياسة نفد فيك **غصبا عنا دون رضاك
ونس ياجبلنا نسكن فيك **وتسكن فيا عسل غلاك
مجازر وقتيل ******ؤدم شباب عليها سيل
من بنغازي ولعوا فتيل **حرق طقاش الثورة غطاك
ياجبلنا ياويلهم ويل **من فكر منهم يطاك
جيل الفيس اعظم جيل ***يد بيد جميع ضناك
على راسه بنحط اكليل **كليل للي نصرك حباك
كسارة خشم العميل **نجوم ترصع تضوي في سماك
ومانحساب الوقت اميل **كل اطياف الوطن امعاك
اضناك امغاوير *******على العادي هجموا اصقاوير
والراية ترفرف واطير **حلفت طاغي مايهواك
تحرق في وقود التحرير** الدم الغالي عن سباك
عزتنا صيحة تكبير **في ميدانك حكمك وقضاك
طلعنا غايتنا التعبير **ونشر الحرية في فضاك
ولى علينا بالتدمير **وباقي شعبك من سجناك
تجاوزنا قولة خطير **لطفك ياربي ورضاك
دفاعة دم *********جلايا على الوطن الهَم
الرأس سلين والقلب عزم **عاري الصدر بدمه طلاك
ياجبلنا الحرَ الاشم َ**شهادة والا الموت معاك
من جدَ جدودك لقدم **ماتركع كانش في صلاك
وقداش خشاتك قدم **غبت وين ماعاد تراك
فينيقي واغريقي حكم **وروماني ونداني جاك
واسباني وعثماني غنمَ **وايطالي دردح خلاك
تسعد ياحرَوتنعم**بحريتك في ارضك وسماك
الله ياوطني ايدوم ازهاك **وعزَارضاك** وازيد غلاك**
انت ياجبلنا الروح فداك **احضنت ضناك** مازيغي وعربي يلاك *
*ويامبهاك **وننسى العالم ماننساك
