اجمل مناظر ريتها بعيوني **صور عالقة في الذاكرة سحروني

مناظر عجبة ********** لوكان ماريته انقولك كذبة

الشجر للوادي الساقط حجبه ** تسمع انغام خريرهم ملحوني

قشع شعاع مابين هدبة وهدبة **رزمات من شمس الذهب وروني

رزمات ذهب ؤفضة ****** اسلهبت للوادي بنتوضا **

فيلم جمال الكون لياَ عرضه **مازال يتلاعب بين اجفوني

زودت للخالق شكري ؤفرضه **بعشرين ركعة فوق 
ماوصوني

بودره منبهره ******** ؤشيفون عنابي كاسي الظهرة

اعكس لونهم شفاف لامع نهره **زاده جمال صفحة البوقرعوني

جداب وجدبني من أول نظرة **بعد لوصتي جهة البرشالوني  

من كثر زينه قضيت فيه  السهرة ** ودعت حياني ماتنسوني

مع تحيات جمعونة مادي الشقروني

حلها ياشيخ

من مدة حوالي سنة ونصف كنت في زيارة لصديقة من الصديقات وكان الميعاد حامي ؤمغباك في ميعاد العالم الثالث العشرة يتكلموا وحده تسمع وكل وحدة اتحاول اتفرغ الشحنة اللي عندها في اسرع وقت بالك اتروح وهي ماكملتش دوتها واستمريت امعاهم في جدب اطراف الحديث وحتى اني موش ناقصة فيه اعجوز بحداي ماحصلتش فرصة في الدوة كان صوتها واطيْ طبطت اعلي رجلي بيدها باش تلفت انتباهي ؤقالتلي وهي مستغربة تفتحي في قناة (? ) وقناة ( ?) رديت اعليها لا ما سمعتش بيهم وهي اجهاد بتحكيلي المسكينة اتلقفوه الموضوع لخرات ؤطاحوا فيه قال الشيخ ؤقالت الشيخة والسحر والكتيبة بأحدث الطرق (الفاكس ) وعلي عينك ياتاجر ؤماصدقت اوصلت للحوش يد تفتح في الباب ويد تفتح في التلفزيون نبحث علي القناة , القيتها بسرعة بديت نتفرج واني مذهوله وياعجايب باغرايب ؟ معقوله يوصل بينا التخلف لهدا الحدَ واللي الفت انتباهي ان معظم اتصالات المرأة تبحث عن عريس والا عندها مشاكل امعاه والارجل يبحث عن الرزقة ؤتابعتهم ؤتخيلت ليبية اتصلت بيهم :

 آلو نآخد اتصال من ليبيا هذا الجوال

 آلو اتفضلي

  آلو اتفضلي ياجماهيرية

 بنصبح بالخير اعليكم ومني ليكم الف تحية

 ياحياتي انتي تؤمرين أمر

 هاتي اسمك واسم امك واجمعين سنين العمر
 اني اسمي الاول سعاد-- سعاد بنية مسعوده

والعمر اربع عشرات

 اتزوجت من ماضي فات

 انت تفهم ليشارات

 السعاده ماهي موجوده
*
*
*

 رد عليها ابو علي

 اسمعيني ياحياتي

  قتله اعسيله ياوخياتي

 اضرب اخماسه في اسداسه

 قالها صلي علي النبي

  زوجك مبلي بفكره وراسه

  اعليه اقرين يمشي واجي

 والف عساسه وحراسه

 مشكلتك مافيه سحر** ولاعندك اكتيبة مرصوده

 زوجك كتله من العناد**مايترقى زي اجدوده

 وهذا الشيْ فيكم وراثي** وخصله في الجينات موجوده
  واقف قدامك مرصا د **ومتجاوز عل الحدَ احدوده
*
*

 بنوجه ليك سؤال جاوبيني بدي اردوده

 ايش لون العواطف ؟ العواطف روخاميه

 ويش لون الاحاسيس ؟ الاحاسيس تمساحيه
 ويش لون المشاعر ؟ المشاعر لا حنيه
*
*

 والله ماعندك سعاده ومستحيل اتكون موجوده
  الوصفة == هاتي بوطي فيه امية

 واقري اعليه يالطيف

 في الشتي والربيع و الخريف حتى الصيف

 صبح وليل نهار اعشيه

 زيدي اعليها ميئة مليون

 ا كتبيها في صحون

 صحن الاذاعة المرئيه
  واسقيهم علي ثلاث مرات

  يا سقم زوجك يا مات

  ياخشيتي العصفوريه

 

مع تحيات  جمعونة مادي الشقروني

اعادة نشر الرسالة

آه ياناؤيانا..............................من وقت همش العزيز امكانه

 آهات

آه .........................................................يازمن الأقوياء

آه..........................................................يازمن الأغبياء 

آه .........................................................يازمن الأغنياء 

آه يانا ؤيانا *** من وقت جاير هدنا وارمانا 

آه يانا ؤيانا *** من وقت همش للعزيز امكانه 
آه يانا ؤيانا*** قلوب عالقة بين الحي ودفانه 
آه يانا ؤيانا***من وقت طوَح  للعزيز امكانه 


طوَحه ؤباعد **وقلبي مع الياهو الليل امواعد** حتى كان شوقي ليه مصاعد **إيخفضه النيت في شبحانه **اوقي عليك الله وين ماقاعد **ويجعل حياتك على الدوام طربانة  

باعده عن امه **ؤباعده في وين مايسمى **ياحسرتي والكدَ سكر فمه **تايه حياته عاثرين احلامه **مالقيت من نشكي لابندمه **غير المولى ربنا سبحانه 

باعده وعكسها ** والعين تذرف فاقدة فارسها ** نفسي عزيزة نموت مانرخسها ** لو طبقوا الارض تحت اسمانا ** لو قلت آه والآه يامتعسها **هزة فراق  اللي اطمس ازهانا

مع تحياتي واملي لكل غريب بالعودة قريبا ان شاء الله

مسجات متنوعة للأخوة والأبناء و الأقارب

اخطرتي عل الخاطر والبال *********عليك انمسي بالنقال
اخطرتي طليتي في بالي **********اعليك انصبح بنقالي
اخطر موالك جي يداعى*************آمر اتحي فيه اجماعةرسالة جديدةاخطر موالك جاني تو *************وانشاء الله ماعندك سو
اعسل حقاني فوق الكيك ************من عزَك صبحت اعليك
اندز اسلامي عني انيابه ********من شوق الخاطر لحبابه
اوصل يانقالي ليهم ************حتى كان بعدوا امطاريهم
وين استاحشتك ياغالي *************درت الصورة في نقالي
ارصيدي اجعنه ماولى **مادام الغالي يوصله
في الرصيد اعوض ربي--مادام نوصل من نبي
وفلوسي اجعنهم ماجن **مادام انوزع في الحن
شن طعم الدنيا من غير *************حنية ودك للغير
من غير احبيبة اتوديها ********************* الدنيا فريز انحسوا فيها
الدنيا من غير اعزيز ****************اتقولي موجودة في افريز
حتى كان ولدي مابالي **اندزاسلامي بنقالي
مرات هدا حد اجهيدي --كان ماباليش اوليدي
عيني علي زاد ادلاله **رد اعلياَ بمرساله
عيني علي ادلاله زايد *******************وين انرن ادز ارسايل
شفت السعد اجري طوالي ***********قتله نوش اعزاز اغوالي
شفت السعد اجري لاقيته ---قتله نوش الغالي بيته
انتي ؤسعد السعد ارفاقه **لايهرب لااطيقي افراقه
سعدك بسبعة امساعيد *************فاتحتلك بيبان احديد
ضويت اشموعي اتمنيت *************تجينني ونشاكوا ياريت
ولعت اشموعي ؤدعيت ---اجوا اغوالينا عند البيت
دزَ امراسيلك ياقاسي

محسوب اعليَا في ناسي
في الدفتر محسوب اعليا

اخسارة ياقلة حنية
دز مرسالك ما تتوانى

اتقول اعليك اهجرت في غانا
الحوش اللي عالي بدروجة

تركبله والرقبة عوجة
الحوش العالي شفته اميَل

ادلع في اركوبك ياغزيل
اني من الدنيا اكتفيت *كان احبيبي جاني ؤجيت
ماحيرني كان اغلاه *مات ؤماداروله اعزاه
ماحبرني كان احبيب ------ متلفت عني وغيب
نضربلك ديما مشغول ------------محيرني والا مقفول
عسل سيح فوق البقلاوة -----القيتارة القهوة جاوة
عسل سيح فوق البقلاوة **الريشة والقهوة جاوة

دز اسلامك يافنان

----- -----عندك مطرَح في الوجدان
دز امراسيلك ياحنين ----- ------

عندك في المكنون امكين
مرة مرة شرف بيَن ---------- --

والله حبك ماينهان
دز اسلامك يافنان ------- -------

عندك كرسي في الوجدان

نص الحوش اتريته هو****والباقي دوة في دوة
اناجي في زولك ياحبيب ----------- يالي عايش برة غريب
الحوش شاغر من غير امرادي ****خلى امكان اكبير ؤفاضي
هايم في صحوي ورقادي -------متعدب قلبي تعديب
اناجي في زولك يالحبيب ****وين تمشي ان شاء الله ماتخيب

وين اتشورلك مربوحة =======اجعنها قدامك مفتوحة
ان شاء الله ديما وين اتشور---------- بختك في لسعاد ادور
ان شاء مفتوحات اعليك *دعاوي ام اغلاها فيك
ادعاى اعليك ان شاء اتقي ----------–من عين الحاسد ياودي
اعليك ندعي بسبعة سعود ======وين تمشي تمطر وتجود

فراقك بعد افراق الخالة ربي اللي عالم بالحاله
العالم بحواليي **في حوشي وجبلي العالي
ادموعي تدرف عل الاطلالي ----علي خدي تنزل سياله
فراقك بعد افراق الخاله ********ربي اللي عالم بحاله
فراقك بعد افراق اربوعة --------زود نيراني واللوعة
نقفز في نومي مفجوعة**اطياف اعليا بالبداله

اني ياصبري كيف اندير

من اللوعة عقلي بيطير
هدرز ياغالي واطلقها

ان شا الله الضحكة ماتفقدها
اضحك ياغالي شرتلها -----اتجيك الدنيا بمحاملها
اضحك ياغالي شرتعها ---مع الجد اعسل اصوابعها
ان شاالله المال اجيك احزم ----في الغربة ماكش نادم
مالك ان شالله بلا حداده ----اتوضفله خمسة عداده
اتشد امعاك اتزيد ازياده ---وارباحك بالمليارات
ين ويورو ؤدولارات -----وعداده بالماكينات

فراقك قاسمني بالنص ----الهمَ باني في البال اعرص
الخاطر رايف عللي اروف ----اتباعد شالاته الظروف
تاجي هلي افصوصه حرة ---تباعد عني سافر بره
اخدي الشنطة والبس الباسه--- ---ارفع قبوطه والحَق ناسه
وين استحشتك ياغالي -----درت الصورة في نقالي
اناجي في طيفك يالبعيد ----مشتاقة والدنيا غريد
روحي عندك يالحنين -----اللي اتحسه انحسه في الحين
الروح عندك والقلب اسبق ---من يوم المكتوب افرق
الروح عندك اضلل وين ماشي ---والخاطر زود في اغشاشي
ان شاء الله اتجي ياسيد السيد---بيخمسة اشهايد ووليد
امعاك اولاد امعاك ابنات ----ؤشهايد والدولارات
نتوضا ندعي وانصلي ------ انشوفك باور وين اتولي
حلمت اندور في تيجان -----

جوني اتنين من الرحمان
جوني اتنين مقرونين ------------

اهدية ربي العالمين
عشت احياتي ثلث ارباع ---------

غريبة والخاطر ملتاع
عشت الغربة بين الناس

-----------وفكاري اعليها حراس
عليك امجور يالبعيد ------------

مكبل في رجليا احديد
وين انقول اخلاص انسيت ---------نلقى روحي كيف ابديت
وين انقول اخلاص ناسي----------نلقى روحي انعاني انقاسي
اضيق صدري وتنهيد انفاسي--------وضيقة خلقي منها اعيت
وين انقول اخلاص انسيت --------نلقى روحي كيف ابديت

قست اغلاى القيته اقياسك

-------من قدمك شبرلراسك
ندعي للمولى الستار ----------

اينجي الغالي من لخطار
اناجي فيك نحكي في همومي

-----في صحوي حتى في نومي
عقل وزين زاد اسماحة-

----------في العالي ديمة مطراحه
اعسل اكلامه اللي نبيه -----------

عاجبني ؤ نصنط فيه
باقات ازهورا وورود

------------هدية لخارج لحدود
باقات زهورا واعطورا ----------

ياربي تسهلها اموره

انصبر في بالي يرتاح *علي افراقه بوعيون اسماح
انصبر في بالي بالراحة *كان اتعب ادير انواحة
اليا كان المحته مطراحه *والا داره والمفتاح
انصبر في بالي يرتاح *علي افراقه بوعيون اسماح

النوم العين اعليها اصعيب *تبكي علي فرقة لحبيب
النوم العين اصعيب اعليها *تدرف من فرقة غاليها
هلي كان اشاكي فيها *وشبحه ليها خير اطبيب
النوم العين اعليها اصعيب *تبكي من فرقة لحبيب

لو سخفت ليام علياَ

انجبك ازيارة ياغاليا
لو حنت عني ليام --------انجيك ازيارة هدا العام
انطفي شوقي والغرام -----نشوف ازويلك يفرح بيا
لو حنت ليام اعليا

انجيك ازياره ياغاليه
وين انخطَر عنك رن **********هكي نتبادل في الحن
وين نخطَر بالك اعليه *********رن ازيد اودادي ليه
وين انخطر ******رن ؤسكر ********فياَ فكر*******ياغويلي لميمة ادكر

حي اعليَ اغداي احرقته -----وين( فاني) العيلة اتفكرته
احرقت اغداي ------قدام اعيوني وحداي
من شوقي لزول امناي ----ملهوف وبحره ماقدرته
اغرقت في حزني زاد بكاي ---نتفكر في كل مادرته
ياحي اعليَ اغداي احرقته ----وين شتوي العيلة اتفكرته

وين اتميل امعاها ميل *******ؤحاديلي ناس ازناكيل
حاديلي اتريس *********بندق لاماتكون ابخيس
كون سيد واعياره انفيس ********ماتخلي بصمات ابخيل
وين اتميل امعاها ميل
مادير السية **************حاسب روحك مشيه وجية
كون صافي ونظيف النية *******زين الرجالة امفاعيل
وين اتميل امعاها ميل
الراجل زينه مفعوله*******داير هدف وناوي ايطوله
صادق في في فعله في قوله *******عالي الهمة ماهو اهميل

وين اتميل امعاها ميل *********واخدم صبح انهار ؤليل
ماتكون دلال ************بارد في الخدمة تنبال
الدنيا تبي اقوا ورجال********اتعافر ماتبيش ادليل
وين اتميل امعاها ميل*********وحاديلي اتريس ازناكيل
انراجي في مرسالك يوصلني

ياقاسي ارحم كلمني
ليش ما تكلمني بنقالك ----------قاسي والا ناقص مالك
لا انلوم ولا انقول اتعالا

بنقا لك ابعت رساله

اللي ايفوتك ياعين فوتيه -واللي ماح لغيري انسيه
اللي فوتك ديريله خط --وارمي مواويله في الشط
نسامح كان اندم اغلط --كلا غيره ارخي بيه
اللي ايفوتك ياعين --واللي ارخي بينا انسيه
انسي الطايح والقشقاش ---ؤماتزيدي عل الهمَ اغشاش
واللي دار روحه ماراش -لاتوري لاتحيري بيه
اللي فوتك ياعين فوتيه--*واللي انسانا ارخي بيه

سوق الذله مانمشيه --------------لا انبيع ولا نشري فيه
ماني ملي ابيع اغلاه ------------وينسى عزَ اناس اهواه


الشوق

سلامي حار احرارة شوقي --------لجبلنا العالي والفوقي
ياعيني ريتك ماتروقي -----------كان القصبة تزهي فيها
اسلامي عل القصبة ؤمافيها ------من شوقي سلمت اعليها

شوقي واسلامي *************لجبلنا العطشان الضامي
هايم في اريافي وغرامي ------- -نتمنى انهير يرويها
سلامي علي يفرن ؤمافيها***********تسكن فيا ؤنسكن فيها

اسلامي للي ابعيد اعليا **********نبعتله مليون اتحية
حتى المليون فيه اشويه------------انزيد النص علي اغلاويها
اسلامي عل الحارة ؤمافيها **********من شوقي غنيت اعليها

سلامي ؤمسجاتي***************علي احبابي ؤناسي ؤجاراتي
واللي قريته وابلاتي -------------ولي اعرفته باهي فيها
سلامي للدنيا ومن فيها ***********وياربي يفرن تغنيها
وتعليها ------------ؤموش بعيد—في يوم سعيد
الخير ازيد ************علي ربك لاشي اكيد


اخطاني لغيري بره =======لاتوقف لاتقص الجرة
بالله ماتوقف في اطريق --------ولاتعومني في بحر اغريق
ماتنفعش اتكون ارفيق =========ليامي الحلوة والمرة
اتراه اخطاني واطلع بره
اخطاني واطلع من راسي------- لاتجي ثوبي ؤلاك اقياسي
حتى كان اقريب من ناسي ------ كل واحد يعرف مايسره
اترا اخطاني واطلع بره
اخطا راسي واطلع منه =======لانبيك ولاتستنى
لاتقرب خطي تدنى ----------لاتشاكس لاتقص الجرة
اخطا راسي واطلع بره ======= ريحني من الهمَ ؤشره

ياغيبة لولاف اعليا

-------------اعصرني قلبي اعدب فيا
حي علي غيبة لولاف -----------

مركب سار بلامجداف
اسكني الياس اقعدت انخاف

-----لاليام اتغرر بيا
ياغيبة لولاف
حي اعليا نبي انشوفه----------

علي شبحه قداش ملهوفه
اما قاسي والاظروفه------------ولاقطع عرق الحنيه
ياغيبة لولاف اعليا