ولاتهتم بعدد السنين
لكن ايداوم في الدوام فلاته
ابنادم كان ماوصل امنياته **عليه ايحاول ايلحقه مافاته
وقدرة ربي وين يوصل قدره
والجهل عند الصغر ايسبب كدرة
فى الكبر لما ايشوفها قدراته
يندم عللي فات واللي جبره
على ترك مايملك من ثرواته
يندم ويتحسر
خصوصا هدا الوقت زاد اتعسر
كنوز خام مافتحوا جديد شفراته
واللى ابدى استهتار ألعب بصر
عقب اللعب اتمروجه لوعاته
محصور بين اسوار حتى غوَت
قيَم قديمه بايده درجاته
الفكر زمني والغلاف امبوط
ومبعد اسنينه هالدول فاتاته
واحنى احصلنا فى ارتغ الوادى**
ويحدرك من خطرها بلعاته
فيه من فقد الاحساس عنده عادى
ايجرجرك لحفرها وظلماته
لافكار زمنيه اذهاب الشيره**
افتح اسمع شوف قناواته
العنف والعري واتصاويره
ارخس رخسوا الانسان فى قيماته
شن غرضها غير الجهاله ناوي**
بعد ماحرقنا عمرنا شمعاته
بيطفى مااشعلنا من مضاوي
والهدف ماندرى ايوصل وين **
والا ليل هارون ؤقعداته
وعهد الترك شينك عهد اغبين
وايام من حفره اردم ابناته
اردمها بيده
وهى تمسح فى لحيته وفى خده
تعشق العار والاسبي ابناته
اعهود غابرة مظلمة مستندة
على خوا مايناسب العصر اوقات
ه
مايناسبنا
غير انواكب عصرنا ايواكبنا
والله رانا تعبونا اتعبنا
مدردرة والجهل فينا واته
خطينا على شط الزمان اكتبنا
رانا انوينا انصارعوا موجاته
بنصارعوا لمواجي بنجدفوا
سواء ريح والا اعجاجي
والحوت مايطلع بلا حواته
في شبكتك نصرك كان اتقاجي
والوطن ماينهض دون ابناته
ثقافتك مطلوبة
هى حصن ضد الهيدقة المجلوبه
وكل جيل متغير على مافاته
عليك واكبيه العصر شوفى اشعوبه
وراء كل شعب عظيم عنده اماته
تقسم مع اللى يقسموا الغنيمه
فى العلم والرقى على درجاته
والشر مايولد كان جريمه
تيار يجرف ما ايدينا ابناته
عليه ايحاول ايلحقه مافاته
والسلام عليكم جمعونة مادي الشقروني 
